Studentët e Departamentit të Ekonomisë dhe Biznesit vizituan sot Coca Cola Bottling Albania. Studentët u informuan rreth kompanisë që në fillimet e saj në tregun botëror dhe atë shqiptar. U shpjeguan nismat e ndryshme dhe impakti socio-ekonomik i Coca Cola në Shqipëri. Studentëve iu dha mundësia që të vrojtojnë nga afër procesin e prodhimit të produkteve kryesore të kompanisë, gjë që nxiti interes dhe diskutim te studentët.
Studentët e Klubit të Sipërmarrjes dhe Inovacionit kishin mundësinë të shikonin nga afër natën finale të Uplift Western Balkans. Prezantimi i Startup-eve të ndryshëm i motivoi studentët të ndërmarrin hapa në fushën e sipërmarrjes dhe mësuan rreth mundësisë që mund të përfitojnë ndihmën e investitorëve të ndryshëm në mënyre që të ndihmojnë në rritjen e biznesit të tyre.
Studentët gjithashtu patën mundësinë të takonin Znj.Daniela Lika, fituese e UpliftWB 2022.
Në kuadër të Javës Botërore së Sipërmarrjes, Klubi i Sipërmarrjes dhe Inovacionit, pjesë i Departamentit të Ekonmisë dhe Biznesit organizoi një vizitë në Ministrinë e Mbrojtjes të Sipërmarrjes.
Në këte takim u prezantaun histori të ndryshme suksesi në sipërmarrje. Ku u folën tema mbi mënyren si i kanë filluar bizneset e tyre, ku janë sot dhe si kanë përballuar sfida të ndryshme, duke inkurajuar kështu studentët të ndërmarrin hapa në këtë fushë dhe pasjisja me një vizion më të qartë rreth mënyrës se si fillohet dhe vazhdohet një biznes.
Departamenti i Ekonomisë dhe Bisnesit në Kolegjin Universitar Bedër themeloi këtë vit “Javën e Qëndrueshmërisë”, një aktivitet i markuar i departametit i cili synon të kontribuojë në arritjen sa më të shpejtë të një shoqërie të qëndrueshme. Me anë të këtij aktiviteti ky department zotohet të shërbej si një udhëzues i pavarur i qëndrueshmërisë, duke ndihmuar aktorët dhe audiencën tonë të thyejnë barrierat, duke i mbështetur ata në arritjen e objektivave të qëndrueshme dhe arritjen e rezultateve me vlerë aktuale të qëndrueshme.
Ky aktivitetet nisi siparin e tij me një Panel Dikutimi ku bëri bashkë aktorët e “modelit kuadratik”, politikëbërësit, akademinë, biznesin dhe shoqërinë civile. Aktiviteti u hap me fjalën përshëndetëse të Rektorit të Kolegjit Universitar Bedër, Prof. Rrahim Ombashi, i cili përgëzoi nismën dhe theksoi se modeli kuadratik është padyshim motorri lëvizës i tre shtyllave të ndërlidhura të qëndrueshmërisë, “shtylla ekonomike-shtylla sociale-shtylla mjedisor”.
Pjesë e panelit si përfaqësuese e organizmave politikëbërëse ishte znj. Sorina Koti, Deputete e Kuvendit të Shqipërisë dhe zv. Kryetare e Komisionit të Ekonomisë dhe Financave. Znj. Koti në fjalën e saj parashtroi nismat e ndërmarra dhe evidentoi progresin e bërë deri tani në nivel politikash. Ajo theksoi se Shqipëria është paksa e ngadaltë në përmbushjen e objektivave të zhillimit të qëndrueshëm dhe padyshim që përfshirja e sa më shumë aktorëve do ta përshpejtonte atë. Hapi më i rëndësishëm i ndërmarrë në nivel politikash në këtë kuadër është pikërisht miratimi i planveprimit dhe përcaktimi i kalendarit të aktiviteteve për përmbushjen e tyre.
Shoqëria Civile është padyshim nismëtare e shumë zhvillimeve pozitive në vend dhe padyshim dhe në cështje që lidhen me qëndrueshmërinë. Në këtë kuadër, pjesë të panelit kishim Znj. Lira Hakani përfaqësuese e Qendrës “Eden”, e cila renditet si organizata me më shmë mori aktivitetësh për cështjet mjedisore dhe të qëndrueshmërisë dhe padyshim me më shumë impakt në këtë fushë. Në linjë me parafolësit, znj. Hakani theksoi rëndësinë e bashkëpunimit të aktorëve si mënyra e vetme që nisma të tilla të zhvillohen.
Biznesi është padyshim jetësimi i të gjithë elementëve të mësipërm dhe për të plotësuar korrnizën, pjesë shumë me vlerë e panelit diskutues ishte z. Drini Zusi, menaxher i zhvillimit të biznesit tek AZ Group, INCA shpk. Pas një diskutimi interaktiv me studentët z. Zusi evidentoi sesi biznesi është katalizator i një ekonomie dhe sesi biznesi mund të sigurojë si qëndrueshmërine e një vendi dhe qëndrueshmërinë si koncept, nesë ky i fundit mbështet me politika të mirëhartuara dhe me njohje dhe pranim të gjerë në shoqëri.
Pjesë integrale e Javës së Qëndureshmërisë ishin nje seri aktivitesh të ndërmarra me studentët. Ndër to mund të listojmë:
1. Qëndrueshmëria përmes Artit dhe Krijimit, me anë të të cilit zynohet të rritet ndërgjegjësimi në aspekte të ndryshme të qëndrueshmërisë sic janë, ripërdorimi, riciklimi, ridizenjimi, etj.
2. Shkëmbimi i Librave, ku studentët duhet të lënë një libër në shkëmbim të një libri tjetër, me qëllim riciklimin e librave, ideve dhe plotësimin e nevojave sipas konceptit të qëndrueshmërisë.
3. Udhëtimi Yt i Qëndrueshëm, i cili u konceptua si një sfidë me anë të të cilit studentët evindentuan të gjithë veprimet e qëndrueshme që ata ndërmarrin përgjatë një dite.
Studentët e Programit të Studimit të Informatikës Ekonomike ndoqën konferencën Albanian Dreamin' 22 e cila u zhvillua më 28 maj, në Hilton Garden Inn, Tiranë.
Albanian Dreamin' 22 ishte një konferencë e cila synonte të aktivizonte dhe forconte potencialin e fuqisë punëtore përmes asistencës, edukimit, rrjetëzimit dhe shkëmbimit të njohurive për të përmirësuar fuqinë punëtore dhe profesionalizmin në Shqipëri. Duke marrë pjesë në këtë event studentët mund të takohen dhe të krijojnë kontakte me të gjithë njerëzit potencialë në komunitetin shqiptar dhe në mbarë botën.
Në kuadër të Ditës Ndërkombëtare të Telekomunikacionit, Fakulteti i Teknologjisë dhe Biznesit pranë Kolegjit Universitar Beder, në partneritet me Departamentin e Menaxhimit dhe Departamentin e Informatikës në Universitetin “Fan S. Noli” Korçë dhe Albanian University, morën pjesë në Forumin e Dytë Studentor me titull: “Transformimi Dixhital në kohën e sfidave”.Forumi nisi me fjalët përshëndetëse të drejtuesve të Fakulteteve, të cilët shprehën vlerësimin e bashkëpunimit mes institucioneve dhe dëshirën që ky event të vazhdojë të organizohet edhe në vitet në vazhdim. Në këtë forum, Fakulteti i Teknologjisë dhe Biznesit u përfaqësua nga studentët: Jonida Hysi, Xhensil Ferhati dhe Ervin Bega, të cilët prezantuan punimet e tyre lidhur me “Sulmet në HTTPS”, “Rreziqet që i kanosen fëmijeve shqiptarë nga lundrimi në internet” dhe “E-banking”. Studentët u vlerësuan me një certifikatë për pjesmarrjen e tyre në këtë aktivitet.
Departamenti i Ekonomisë dhe Biznesit në Kolegjin Universitar Bedër organizoi workshopin me temë “Fintech and Open Banking”. Workshop-i u zhvillua online nga Profesori i Asociuar Gianluca Mattarocci, Tor Vergata University Roma, Itali.
Temat e trajtuara lidheshin me trendet e reja të investimeve në sektorin e financave dhe bankar pas risive në teknologji. Studentët u njohën me këto mundësi investimi online të ilustruara me shembuj aktualë nga Italia dhe korporatat ndërkombëtare. Një ndërveprim aktiv me studentët u bë i mundur duke përdorur softuerin Mentimeter.
Profesor Mattarocci inkurajoi studentët e programit bachelor në “Informatikë Ekonomike” të eksplorojnë vazhdimisht mundësitë më të reja të investimit në Fintech dhe Open Banking në përputhje me programin e tyre të studimit.
Departamenti i Ekonomisë dhe Biznesit, në kuadër të zhvillimit të aktiviteteve ekstrakurikulare, zhvilloi leksionin e hapur me temë: “Implikimet e Qëndrueshmërisë dhe Sfidat e Biznesit të Qëndrueshëm në Shqipëri”. E ftuar për të referuar ishte znj. Erilda Duzha Krasi, bashkëthemeluese e “1001 Albanian Adventures”. Gjatë leksionit studentët u njohën me fazat në të cilat kalon konceptimi dhe formësimi i një biznesi dhe u theksua roli dhe rëndësia e sipërmarrjes si një motorr lëvizës i ekonomisë së një vendi. Në vijim u parashtrua një mënyrë e të mënduarit dhe të vepruarit në mënyrë të qëndrueshme si e vetmja mënyrë që nxit inovacionin, rrit kreativitetin dhe siguron qëndrueshmëri dhe avantazh konkurues në afatgjatë. Gjatë leksionit, znj. Erilda Duzha Krasi theksoi se nisur nga zhvillimet e fundit në botë, sic janë ndryshimet klimatike, shterimi në masë i burimeve natyrore, degradimi i mjedisit apo theksimi i diferencave sociale, vitalizimi dhe zhvillimi i këtij dimensioni merr rëndësi tepër të vecant si e vetmja zgjidhje në grup.Studentët u njohën dhe me grantet dhe programet mbështetëse për të projektuar dhe nisur një biznes, me mënyrat e aplikimit, implementimit dhe vazhdimit të aktivitetit edhe mbas prejektit. Në përfundim u vendos të organizohet një vizitë studimore në terren për të parë nga afër detaje dhe aspekteve specifike.