Departamenti i Ekonomisë dhe Biznesit në Kolegjin Universitar Bedër organizoi workshopin me temë “Fintech and Open Banking”. Workshop-i u zhvillua online nga Profesori i Asociuar Gianluca Mattarocci, Tor Vergata University Roma, Itali.
Temat e trajtuara lidheshin me trendet e reja të investimeve në sektorin e financave dhe bankar pas risive në teknologji. Studentët u njohën me këto mundësi investimi online të ilustruara me shembuj aktualë nga Italia dhe korporatat ndërkombëtare. Një ndërveprim aktiv me studentët u bë i mundur duke përdorur softuerin Mentimeter.
Profesor Mattarocci inkurajoi studentët e programit bachelor në “Informatikë Ekonomike” të eksplorojnë vazhdimisht mundësitë më të reja të investimit në Fintech dhe Open Banking në përputhje me programin e tyre të studimit.
Departamenti i Ekonomisë dhe Biznesit, në kuadër të zhvillimit të aktiviteteve ekstrakurikulare, zhvilloi leksionin e hapur me temë: “Implikimet e Qëndrueshmërisë dhe Sfidat e Biznesit të Qëndrueshëm në Shqipëri”. E ftuar për të referuar ishte znj. Erilda Duzha Krasi, bashkëthemeluese e “1001 Albanian Adventures”. Gjatë leksionit studentët u njohën me fazat në të cilat kalon konceptimi dhe formësimi i një biznesi dhe u theksua roli dhe rëndësia e sipërmarrjes si një motorr lëvizës i ekonomisë së një vendi. Në vijim u parashtrua një mënyrë e të mënduarit dhe të vepruarit në mënyrë të qëndrueshme si e vetmja mënyrë që nxit inovacionin, rrit kreativitetin dhe siguron qëndrueshmëri dhe avantazh konkurues në afatgjatë. Gjatë leksionit, znj. Erilda Duzha Krasi theksoi se nisur nga zhvillimet e fundit në botë, sic janë ndryshimet klimatike, shterimi në masë i burimeve natyrore, degradimi i mjedisit apo theksimi i diferencave sociale, vitalizimi dhe zhvillimi i këtij dimensioni merr rëndësi tepër të vecant si e vetmja zgjidhje në grup.Studentët u njohën dhe me grantet dhe programet mbështetëse për të projektuar dhe nisur një biznes, me mënyrat e aplikimit, implementimit dhe vazhdimit të aktivitetit edhe mbas prejektit. Në përfundim u vendos të organizohet një vizitë studimore në terren për të parë nga afër detaje dhe aspekteve specifike.
The Department of Economic and Business at Beder University College launches:
The Young Economist Essay
The aim of the essay:
To foster critical and analytical thinking of the young economists in a new area of the economy.
Participants:
Public and non-public last year high school students.
Participation requirements:
The participation is individual and the essay should be sent via email to: [email protected]
Topics:
The candidates can choose to write on one of the below mentioned topics:
Disruption in the production chain of international trade due to Covid-19. The impact of this disruption on different economic agents.
The role of Entrepreneurship, Innovation and Technology as the engine of the economy.
Electronic money in Albania.
Essay structure:
Introduction
Main body
Conclusions
References
Be sure to support your arguments based on a research and keep the coherence (linking words)
Length of essay 800-1.200 words, Times New Roman, 12.
Be sure to write: your Name & Surname; High school name.
Important Dates:
Submission deadline: 15 April, 2022
Announcement of results: 3 May, 2022
Note: The esssay should be written in English
REWARDS
First Price: 100% study scholarship + Laptop*
Second Price: 100% study scholarship
Third Price: 75% study scholarship
*The laptop will be given to the winner at the time of enrollment in one of the study programs offered by Beder University College.
Departamenti i Ekonomisë dhe Biznesit pranë Kolegjit Universitar Bedër zhvilloi një leksion të hapur me temë: “Politikat Ekonomike Lokale dhe Rajonale – Konkurrenca”, ku e ftuar ishte Dr. Sorina Koti. Dr. Koti aktualisht është përfaqësuese e Qarkut të Korçës në Kuvend, njëkohësisht mban dhe detyrën e Nënkryetares së Komisionit të Ekonomisë dhe Financave.
Pjesëmarrës në leksion ishin studentët e programit të Informatikës Ekonomike, të cilët u njohën me disa nga indikatorët ekonomikë dhe situatën aktuale në vendin tonë. Studentët u përfshinë në diskutime aktive në lidhje me faktorët e ndryshëm që ndikojnë në zhvillimin ekonomik lokal dhe rajonal.
Studentët e programit Informatikës Ekonomike në Kolegjin Universitar Bedër këtë javë ndoqën një leksion të hapur në ambientet e Bankës së Shqipërisë, me temë: “Paraja Elektronike”. Leksioni u mbajt nga ekspertja e BSH-së, znj. Valentina Semi, Zv. Drejtore e Departamentit të Sistemeve të Pagesave, Kontabilitetit dhe Financës.
Gjatë prezantimit, znj. Semi shpjegoi tendencën e përdorimit të parasë elektronike dhe rëndësinë e pagesave elektronike duke u bazuar në Ligjin Nr. 55/2020 “Për shërbimet elektronike”.
Studentët u përfshinë në pyetje dhe diskutime mbi zbatueshmërinë dhe avantazhet e ofruara nga shërbimet elektronike në realitetin shqiptar edhe në kushtet e kufizimeve të pandemisë. Në leksion u diskutua edhe mbi çështje të sigurisë së realizimit të pagesave elektronike.
Departamenti i Ekonomisë dhe Biznesit organizoi leksionin e hapur me temë: “Mindset-i i Varfërisë”, ku e ftuar ne bashkëbisedim me studentët dhe stafin ishte Msc. Alla Simacheva, (Bussines and Life Coach). Sesioni i dedikuar mindset-it të varfërisë u fokusua në rikonceptimin e disa veprimeve, zakoneve dhe stereotipeve që trashëgohen në mënyrë të pavetëdijshme.
Znj, Simacheva fillimisht punoi nga afër me pjesëmarrësit duke identifikuar çdo mendim që mund t’i ndalojë në procesin e monetizimit të aftësive, çdo besim që nuk është i vërtetë. Falë bashkëpunimit, pasionit dhe mikpritjes së pjesëmarrësve, shumë shpejt u identifikuan pikat kyçe që identifikojnë mindset-in e varfërisë dhe mindset-in e bollëkut.
Rezultati kryesor që u arrit ishte rikonceptimi i kohës si një resursi i vetëm i kufizuar, resurs që nuk rikthehet apo rimbushet, ndaj duhet konsideruar më i shtrenjtë dhe më i vlefshëm. U qartësua që mindset-i i varfërisë kursen dhe menaxhon paratë, kurse mindset-i i bollëkut fokusohet tek menaxhimi dhe përdorimi i kohës në mënyrën më të dobishme.
Pyetja që ia vlen të reflektojmë të gjithë është se çfarë vlere (value) i shton jetës të të tjerëve profesioni im? Si profesioni im kontribuon në përmirësimin e cilësisë së jetesës në vendin tim? Kjo na ndihmon të fokusohemi tek maksimizimi i vlerës personale (personal value), rritjes së satisfaksionit edhe gjatë procesit mësimor. Niveli i të ardhurave në kët rast rritet proporcionalisht.
Studentët e programit të Informatikës Ekonomike në Kolegjin Universitar Bedër zhvilluan një vizitë studimore tek Muzeu i Bankës së Shqipërisë, në kuadër të ciklit të aktiviteteve ekstrakurrikulare të parashikuara për këtë vit akademik nga Departamenti i Ekonomisë dhe Biznesit. Në këtë vizitë studentët u shoqëruan nga stafi i departamentit dhe u pritën nga përfaqësues të Bankës së Shqipërisë. Ata u njohën jo vetëm me ambientet e Muzeut, por edhe me zhvillimet e ndryshme historike dhe etapat në të cilat konsolidimi i institucionit ka kaluar.
Në katin e parë, studentët u njohën me Dhomën e Thesarit ose siç njihet ndryshe "Rondo", ku u prezantua koleksioni i pasur numizmatik i Bankës së Shqipërisë. Gjithashtu, ata patën mundësinë të njihen nga afër me vlerat historike dhe numizmatike që mbart monedha, përmes ekspozimit të thesareve, koleksioneve të monedhave dhe kartëmonedhave, që kanë qarkulluar dhe janë përdorur në territoret historike të vendit, nga antikiteti deri në ditët e sotme.
Ndërkohë, në katin e dytë u njohën me historinë e institucionit të Bankës Qëndrore në Shqipëri, roli i saj në ruajtjen e stabilitetit të çmimeve dhe në garantimin e stabilitetit financiar të vendit, si dhe funksionet kushtetuese.
Nga ana tjetër, studentët u njohën me ambientet e Bankës, të cilat shërbejnë për edukimin e publikut dhe ku vizitorët mund të informohen në mënyrë interaktive. Përmes një bisede përmbledhëse midis përfaqësuesve të dy insitucioneve u la e hapur mundësia për të zhvilluar orë mësimore, leksione apo aktivitete të tjera didaktike në fushën e parasë dhe të ekonomisë.